الأحد، 25 ديسمبر 2011

الســــــــــــــد العـــــــــــــــالى

السد العالى

السد العالى
السد العالى، سد ضخم فى مصر اتبنى فى جنوب اسوان بمساعده الاتحاد السوڤيتى لتخزين المايه، و موازنة فيضانات النيل، و توليد الكهربا. بيتكون من جبل من ركام الجرانيت، علوه 111 متر و عرض قاعدته 1000 متر و عرض قمته 32 متر و طوله 3500 متر. فيه قاطع رأسى للمايه بطريقة الحفر عمقه 210 متر. سعة تخزينه 130 مليار متر3‏ لمنسوب 182 متر. قناة تحويل المايه فى شرق النيل بطول 1200 متر. بدأت محطة الكهربا بتاعته بقوة 2.4 مليون كيلو وات. اتنشئت قدامه اكبر بحيره صناعيه فى العالم اتسمت بحيرة ناصر، مساحتها 4000 كم2‏ و طولها 500 كم. السد العالى بيسمح بتخزين 8 مليارات متر3‏ مايه اضافيه بتستخدم فى استصلاح الاراضى للزراعه و تحويل رى الحياض لرى دائم. حط جمال عبد الناصر حجر اساس السد فى 9 يناير 1960 و احتفلت مصر بتنفيذه فى يناير 1971. اتكلف المشروع و اللى اترتب عليه حوالى 415 مليون جنيه مصرى. بيعتبر من اضخم المشاريع اللى اتعملت فى مصر فى العصر الحديث و لعب دور كبير فى التطوير الصناعى و مد مصر بالمايه وقت الجفاف فى افريقيا.
فيه عمليه كبيره لتطوير وتحديث مولدات محطة توليد الكهربا‏ فى السد العالى بتكلفة وصلت لغاية ‏1,85 مليار جنيه‏ مصرى، و من المقرر ان عملية التطوير تتم بالكامل سنة ‏2010.‏
بدأ بُنا السد في سنة 1960 واتقدرت التكلفة الإجمالية بمليار دولار. اشتغل في بنا

تاريخ السد

آثار السد

الآثار الإيجابية

و من الآثار الايجابية للسد العالى أنه حمى مصر من الفيضان والجفاف برده لأن بحيرة ناصر بتقلل من اندفاع مية الفيضان وبتقوم بتخزينها للاستفادة منها في سنين الجفاف.
وعمل السد العالي برده على التوسع في المساحة الزراعية نتيجة توفر الميه والتوسع ده أفقى ورأسى. و عمل كمان على زراعة محاصيل أكتر على الأرض بسبب توفر الميه و اللي أتاح تلَت زرعات كل سنة.
و كمان عمل على توليد الكهرباء اللي أفادت مصر اقتصادياً.

الآثار السلبية

  • بحيرة ناصر غطت قرى نوبية كثيرة في مصر واكترها كان في شمال السودان، و ده ادى لترحيل أهلها، و اللي بيتسمى بالهجرة النوبية.
  • حرمان وادي النيل من طمي الفيضان المغذي للتربة.
  • زيادة النحر Erosion حولين قواعد المنشآت النهرية.
  • تآكل شواطئ الدلتا.
  • بتشير بعض التقديرات لأن كمية التبخر في مية بحيرة ناصر ورا السد العالي كبيرة جداً باعتبار أنها بتعرض مساحة كبيرة من الميه للشمس في جو حَر جداً، وبيتقدر حجم الخسارة بما يماثل حصة العراق من نهر الفرات. بالاضافة لانتشار بعض النباتات وتأقلمها مع الظروف الجديدة وإسهامها في عملية النتح وبالتالي الخسارة اكتر في الميه.
  • بيشوف البعض أن السد العالي بيمثل تهديد عسكري لمصر، لانه صعب تتخيل النتائج اللي ممكن تترتب على تفجير السد، وحجم الفيضان اللي هيصيب المدن المصرية اللي على مسار النهر واللي هتكون قدام طوفان خطير.

السد العالي من أعظم المشاريع الهندسية فالقرن العشرين

صورة پانوراما للسد العالى
تقرير صدر عن الهيئة الدولية للسدود والشركات الكبري وقيم السد العالي في الصدارة في كافة المشروعات.
وقال انه تجاوز غيره من المشروعات الهندسية المعمارية واختارته الهيئة الدولية أعظم مشروع هندسي اتبنى في القرن العشرين. معديه بيه كل المشروعات العملاقة التانيه زي مطار "شك لاب كوك" في هونج كونج ونفق المانش اللي بيربط بين بريطانيا وفرنسا.
أكد التقرير الدولي ان السد العالي اتفوق علي 122 مشروع عملاق في العالم. باللي حققه من فوايد للجنس البشري لانه وفر لمصر رصيدها الاستراتيجي من الميه بعد ما كانت ميةالنيل من أشهر الفيضانات بتروح عالفاضي في البحر الأبيض ماعدا خمسة مليار متر3‏ بيتم احتجازها 2001.

مكونات السد العالى

جسم السد

بعد دراسات وأبحاث عالمية عديدة تم تصميم السد العالى بحيث يكون من النوع الركامى ومتزود بنواة صما من الطفلة وستارة رأسية قاطعة للميه منسوب قاع السد 85 متر منسوب قمة السد 196 متر طول السد عند القمة 3830 متر طول السد في لمجرى الرئيسى للنيل 520 متر عرض قاعدة السد 980 متر عرض السد عند القمة 40 متر عمق ستارة الحقن الرأسية 170 متر

بحيرة التخزين

بتكوّن الميه المحجوزة قدام السد العالى بحيرة صناعية كبيرة دي خصايصها:
طول البحيرة 480 كيلو متر متوسط عرض البحيرة 10 كيلو متر سعة التخزين الكلية 164 مليار متر3‏ سعة التخزين الميت 32 مليار متر3

محطة الكهرباء

فيه محطة الكهرباء عند مخارج الأنفاق عند تفرع كل نفق لفرعين متركب على كل واحد منهم توربينة لتوليد الكهرباء: عدد التوربينات 12 توربينة. قدرة التوربينة 175 الف كيلووات. القدرة الإجمالية للمحطة 2.1 مليون كيلووات. الطاقة الكهربية المنتجة 10 مليار كيلووات ساعة سنويا.
السد 400 خبير سوڤييتي وأتكمل بناه في 1968. اتثبّت آخر 12 مولد كهربائي في 1970 واتفتح السد رسمي في سنة 1971.

ليست هناك تعليقات:

إرسال تعليق

موسوعه حكم مصر من بداية عهد الفراعنة https://youtu.be/jJ